Byrne_Guidance throughplay_2022+strips_Cym

Dyfyniad 1:….mae gan chwarae dan arweiniad dair nodwedd sylfaenol sy’n cyfuno i ddarparu’r profiad dysgu gorau posibl. Yn gyntaf, dylai’r oedolyn sy’n rhoi arweiniad fod â nod dysgu clir mewn golwg wrth sefydlu gweithgaredd chwareus. Yn ail, dylai’r gweithgaredd neu’r rhyngweithio ganiatáu i blant arfer rhywfaint o ddewis ac effaith dros eu chwarae: p’un a yw’r rhyngweithio chwareus yn cael ei gychwyn gan yr oedolyn neu’r plentyn, dylai chwarae gael ei arwain gan y plentyn ble mae hynny’n bosibl. Yn olaf, dylai’r oedolyn fod yn hyblyg wrth ddefnyddio technegau arwain (e.e. drwy ddefnyddio cwestiynau penagored, awgrymiadau, geiriau annog, modelu) i sicrhau sensitifrwydd i fuddiannau ac anghenion y plentyn. Mae hyn yn golygu bod angen i’r oedolyn sy’n arwain sylwi ar giwiau plentyn, eu dehongli ac ymateb iddynt. Credir bod y cyfuniad o’r nodweddion hyn yn gwneud chwarae dan arweiniad yn gyd-destun arbennig o bwerus ar gyfer dysgu, o gymharu â chwarae rhydd neu ddysgu didactig yn unig.

 

Dyfyniad 2: Yn benodol, mewn chwarae dan arweiniad, mae’r profiad dysgu yn gynhenid ystyrlon i’r plentyn gan fod chwarae wrth natur yn meithrin ei fwynhad, ei gymhelliant a’i effaith; tra bod cynnwys arweiniad gan oedolyn cefnogol yn ymestyn y cyfle i ddysgu y tu hwnt i’r hyn y gallai’r plentyn ei gyflawni ar ei ben ei hun.

 

Dyfyniad 3:… nododd meta-ddadansoddiadau dystiolaeth sylweddol bod chwarae dan arweiniad yn cael mwy o effaith gadarnhaol na chyfarwyddyd uniongyrchol ar sgiliau mathemateg cynnar, gwybodaeth am siapiau, a newid rhwng tasgau (agwedd ar hunanreoleiddio: y gallu i roi sylw i dasg arall pan dorrir ar draws tasg yn wirfoddol neu’n anwirfoddol) ac effaith fwy cadarnhaol na chwarae rhydd ar eirfa ofodol.

 

Dyfyniad 4: Mae patrwm cyffredinol y canlyniadau hyn yn awgrymu y gallai chwarae dan arweiniad fod yn arbennig o fuddiol ar gyfer dysgu seiliedig ar fathemateg. Efallai fod nodweddion chwarae dan arweiniad yn fwy addas i gefnogi datblygiad sgiliau systematig a ddefnyddir mewn tasgau sy’n seiliedig ar fathemateg. Er enghraifft, gall technegau arwain, megis cwestiynau penagored neu eiriau annog, arwain plant tuag at y cam rhesymegol nesaf yn ystod tasg sy’n seiliedig ar fathemateg.

 

 

License

Gwersi PCAME a Dewch i Feddwl Mathemateg (9 i 11 oed) Copyright © by Ann Longfield, David Johnson, Jean Hindshaw, Linda Harvey, Jeremy Hodgen, Michael Shayer, Mundher Adhami, Rosemary Hafeez, Matt Davidson, Sally Dubben, Lynda Maple, and Sarah Seleznyov. All Rights Reserved.

Share This Book